–فيلم المشبوه–

بتبتدي احداث الفيلم ب حرامي بيسرق بيت و بيجمع الاغراض اللي بيسرقها في شنطة و بيربط الشنطة في حبل نازل من الشباك وبيكون اخوه ماسك الحبل من فوق و بيشد الشنطة منه ، ومرة واحدة اخوه عمل صوت عالي و هو بيشد الشنطة فراح الحرامي للاوضة وكان نايم فيها اتنين ، ف رش عليهم مخدر علشان ميحسوش باي حاجة ، فسمع الحرامي صوت جاي من الحمام فاستخبى ورا الكنبة

علشان محدش يشوفه ، وطلعت واحدة ست من الحمام فثبتها الحرامي وهددها انها لو عملت صوت هيموتها ف بتضربه ولكن مبتعملش اي صوت ولا بتزعق فبيسألها انتي ليه معملتيش صوت فبتقوله انهم زمايل في الشغلانة ، وبتقوله انها اسمها بطة وبيقولها الحرامي انه اسمه ماهر النمر ،وبتساعده في لم الاغراض المسروقة ، وبيمشوا هما الاتنين واخو ماهر من الشقة اللي بيسرقوها ، وبيكون فيه واحد مستنيهم تحت بعربية ، فبيروح اخو ماهر يحط الشنط في العربية و مرة واحدة بتيجي عربية شرطة ، فبينزل الظابط منها عشان يجري ورا ماهر و بطة وبيقول لعربية الشرطة تروح ورا العربية اللي راكب فيها اخو ماهر والسواق اللي كان مستنيهم ،

وبيهرب ماهر و بطة من الشرطة وبيضرب ماهر بواب العمارة وبيجري برا العمارة والشرطي وراه ولكن بطة بتكون بعدت عنه وبيضرب الظابط نار على ماهر من بعيد وبتيجي في رجله ولكن بيكمل جري ،وفي الاخر بيمسك الشرطي ماهر وبيكون ماهر لابس قناع ف الشرطي مبيشوفش غير عنيه وبيضرب ماهر الشرطي وبيعرف يهرب منه وبياخذ المسدس بتاع الشرطي ، وبيرجع لاخوه بيومي والسواق حموده والست اللي بيبيعوا ليها المسروقات ، وبياخد حموده الفلوس كلها بتاعت العملية دي وبيقول ليهم انه مش هيشتغل معاهم تاني وبيمشي ، وبيعالج بيومي اخوه ماهر من الرصاصة وبيسأل ماهر اخوه عن بطة و بيقوله انه مشفهاش من ساعة العملية ، وبيبدأ الظابط طارق انه يدور على ماهر في كل حته ويسأل عنه وعن بطة ، وبيروح يدور في ملفات فيها مجرمين كتير على شخص يكون ايه نفس العين اللي شافها من تحت قناع ماهر لكنه مبيصولش لحاجة ، وفي نفس الوقت بيكون ماهر بيدور على بطة في كل حته وبيسأل عليها في الكبريهات لكنه مبيعرفش يلاقيها ، وبيقول بيومي لماهر انه في عملية سرقة جديدة لكن ماهر بيقوله مش هاعملها دلوقتي ، وبيروح ماهر للسيدة وبيلاقي عندها حموده وعاوز ينصب عليها فبيتخانقوا الاتنين مع بعض وبيمشي حموده ، وبيتكلم ماهر مع السيدة وبيقولها انه دور على بطة وملقهاش في اي حتة وانه عاوز ٣٠ جنية منها ويبقى يرجعهم لما تفرج ، وبيلاقي مرة واحدة بطة بتخبط على كتفه ، فبيفرح جدا وبيسألها كانت فين فبتقوله انها اختفت شوية علشان الشرطة متمسكهاش ، وبيتعرفوا شوية على بعض وفي الاخر بيتجوزوا ، وبيروح الظابط لشغله فبيلاقيهم مسكوا حرامي فبيجيبه ويلبسه قناع عشان يشوف هو ماهر ولا لا وبيطلع مش هو ، وبتحمل بطة من ماهر وبتكون الولادة جاية قبل معادها بشهرين ف بيكون في خطر كبير على حياتها وممكن تموت وفي وقت الولادة بتيجي الشرطة وبتمسك ماهر وتاخذه على القسم فبيقابل السيدة هناك وبتقوله انه حمودة بلغ عليهم وانه بيومي سافر برا ، ومسك ماهر حمده في الحجز وضربة لحد ما بوظ عنيه ، واتحكم على ماهر بالسجن ٥ سنين ، وجاتله بطة تزوره ومعاها علي ابنهم بعد ما ولدت ، وبتجيله بطة كل مدة تزوره ، وبتخلص الخمس سنين وبيطلع ماهر من السجن